Zion Tangko

Copies: 150

The Full Gospel to the Whole World by the Church

The Full Gospel to the Whole World

1. Amawhna a kisikkik mi  hi ding hi...
2. Thuman thutak ahi Jesu ahihna bangin  a pom/asang mi hi ding hi...
3. Jesu in Satan tungah thukhenna tawh gualzawhna lakkhin zo hi cih athei mi ahi hi…
4. AD 33 hun pawl a, Pentecost Day ni in Khasiangtho hong kibua in Pawlpi hong ding hi cih upna neimi hi ding hi.
5. Sawltakte upna, thuhilhna, zuihna, lametna banglian anei mi hi ding…

Jn. 16:8-12; Mk.16:15-17; Act. 1:8; 2:38-39; Gal.1:7,9; Efe.4:4-5; Mt.16:18-19.

A SUNGA OM THUTE

Editorial Laikung pan

Nashville Tangthu tom

Pasian Khat Thu Tomlak

Trinity Upna Leitungah

Holimna

Editorial Laikung pan

Ahawm nihveina Zion Tangko hang in ih lungdamna lianpi Topa tungah ih ko hi.

Upna in vantung gam hong tunpih kei ding hi. Upna a gol mahmahna tawh ih nuntakna a nuampah kei hi. Upna a neu mahmah man in kong kawcik lampi ahi tuankei hi. Updan ih siam mahmahna ah Pasian hoihna a kingah hituanlo hi.

Jesu pen na upna, na updan tungah a kinga ngeikei hi. Jesu pen na lawpna leh na thanemna tungah a kinga ngeikei hi. Ahizongin, Jesu na upna tung ah amah hong kizom hi.

Tua ahih leh dotnate kidong suk ni:

Pasian in a pomtheih upna in bang hi ding hiam?

Pasian tawh kizomkha nuntakna ih cih bang hi ding hiam?

A bangci mite Pasian mite suakthei ding hiam?

Dawnna khawk:

1. Mimawh ahihlam a kiphawk mite, Pasian khat bek om a, tua in ka mawhna hong maisak, maisak den, hong Honpa bek hilo in, hong Gumpa in Jesu ahi hi cih phawk tawntungna in Pasian pomtheih upna ahi hi. Jesu tawh a kizom khalo gamtatna khempeuh a mawkna ahi hi. Na ki tuiphumna ah Jesu thu a kihel kei leh a mawk na, na thungetna, na lametna bangkim ah Jesu a kihel kisam hi. Upna tawh kalsuan na ah Jesu leh a min a kikhen theikei hi.

2. Pasian tawh kizom nuntakna ih cih pen, ka nuntakna kei ah hilo in hong Honpa leh hong Gumpa ah ka hi cih tawh nuntakna ahi hi.

3. Ama mimal deihna, Satan deihna leh leitung mite deihna bangin gamtatna nialin Khasiangtho  deihna bang in nuntakna pen   Pasian tate omzia ahi hi.

Ih nuntakna khatciat ei khut sungah omlo hi cih ih tel mahmah hi. Midang khut sungah zong a omtuan kei hi. Ahizong in, Pasian gelna sungah a omkim ciat hi.

Hih leitung a zozo ih Pasian ahi Jesu tawh kalsuan khopna in gualzawhna, lungkimna, lung nopna, khamuana, lawpna leh lungdamna ahi hi.

Nashville Tangthu tom

Francis Nash: North Carolina gam-ke khat in a ki om hunsungin American Revolution hunsunga galhang mahmah khat ahi galkapmang Gen Francis Nash min tapsak in 1779 kum pawlin Nashborough cih minpua khuapi ahi hi. Hih hun in mipum 345 kim bek phapan in, tua zong sila dingin a kila mivomte 150 tawh a kisimkhawm ahi hi. Nashville khua tangthu ah John Donelson, James Robertson leh mualtung mi te tawh a kopkhawm Francis Nash te min kihel pelmawh hi.

Nashville City: North Carolina gamke khat in  a ki om hunsung 1784 kum ciangin, Nashville khua ci in min kician in hong kithei ta hi. Nash khua cihna ahi hi.

State Capital: TN state ngah zawh a kum 47 khit October 7, 1843 kum ciangin Tennessee State khuapi dingin Nashville in kipsakna hong ngahta hi.

Music City: 1700s kumlai in Davy Crockett te makaihna tawh music van tuamtuam zangin na minthang ngei khin uh hi. 1800s nunglam ciangin music van thak tuamtuam Nashville khuapi panin kimu theita hi. England kumpinu Queen Victoria in 1874 kum in pawi lianpi bawlin hih pawi ah lasakna hong nei ding pen Musical city pan hi ding hi na cingei a, tua pen Fisk Jubilee Nashville singers te a genna hi. 1950 kum in Radio Broadcast pan thugen David Cobb in Nashville  pen Music city hi cin genkhia ziahziah ngei hi. Lasiam tampi Bon Jovi, Michael Buble, Kid Rock cih tuamtuamte in la a na khum ngei uh ahi hi.

OpryLand City:

Nashville a minthang sak min lawhna khat hi a, Music tumtheih na hall pi a kigenna a hi hi. June 30, 1972 ni in kihong hi in, “theme park” zong kici hi. Hih hall lianpi sung pan in lasiam tampi ten la ong sakna tawh kizui in Opryland USA cih leh “The Stars of the Grand Ole Opry cih pahtawina min hong ngah hi. A zawdeuh in Hih hallpi zangin

1972 pan 1997 Christmas lasak pawi thupi kibawl den a, tua in Nashville minthang sak mahmah hi.

Miphazah: 601,222 White: 60%, Blk of Afr. 28% Hispanic 10%; Other 9% Asian 3%

Pasian Khat Thu Tomlakna

Pasian: Ei Zokam in Pasian a khiatna “Pa”, “thahat, vanglian”. “Sian”, “Siangtho,” a deihna “ siangtho leh a vanglian mahmah khat bek om hi cihna ahi hi.

Israel te upna: Abraham, Isaak, Jacob, Moses khang leh tuni dong Judaism te in Topa Pasian khat bek ahi hi ci in khauhtak in um uh hi. Trinity upna a nei LST Israel tangthu ah khat beek omlo hi.

Sawltakte upna: Sawltakte ih cih cih pen Israel minam sit mahmah te ahi uh hi, tua tangtawng Topa Pasian khat bek pen taksa pumpi ah hong suak in a min Jesu hi cih khauhtakin a umte ahi uh hi. Sawltak lo sungpan in Jesu sanggam te James leh Jude te in a up theih pakloh uh hangin a up khit uh ciangin, sanggam bek hilo in a sila ka hi hi kici uh hi (James 1:1; 2:19; Jude 1:1, 24-25).

Muslim te upna: Leitung ah biakna tawh kisai upna khauh penpen Muslim te in ko pen Abraham suan-le-khak diktak ka hi uh hi, Abraham upna ahi: “Topa Pasian in Topa khat bek ahi hi”, amin Allah hi ci uh hi.

A tunga ih gente pen leitung tangthu paizia tawh ih genna hi a, tu in LST kammal te tawh ensuk khawm ni:

Khat bek bawl: Ama lim leh mel sun in Pasian in pasal a bawl hi (Pian.1:27). Pasian in khat bek bawl in amin Adam ci hi. Mihing khempeuh in “kei khat bek ka hi hi” cih a kiphawk sim in a bawl Pasian khat bek hi cih phawk tawntung ding ahi hi.

Thukham lianpen: Mihing a ki piansak khitzawh kum 2000 hun pawl (BC 1900 kim) in leitungah Pasian khat bek upna beisiang phialta in, Abraham bek in Topa khat bek upna na kemlai hi.

Abraham suan-le-khak te bek in Pasian khat upna leitungah a khaici kemte hongsuak in, laidal tawh ciaptehna om nailo hi. Pasian mahmah in leitungah a mangthang ngeilo dingin ama khut mahmah tawh gelh a, Topa Pasian in Topa khat bek ahi hi cih thu laikung tawh gelh in amasa penpen Pasian kammal hong suak hi. Israel minam in tua pen mangngilh ngeilo dingin Pasian in gen phapha in, na tate uh na hilh suksuk ding uh hi ci hi (Thkn.6:4-9). Tua a kimutheilo Pasian khat bek pen mihing taksa ah hong suak in sila lim la hi, a gen bulpi ah thukham a lian pen in Topa Pasian in Topa khat bek ahi hi cih thu mah hong bulphuh hi (Mk.12: 29). Sawltakte in zong Topa Pasian in Jesu ahihna thu gen in Pasian nih, thum ka neita uh hi cih khat vei beek gen ngeilo uh hi.

Trinity Upna Leitungah

Leitung Trinity Upnate:  BC 2500 pan AD 325 sung trinity upna tawh kisai tomlak ni. Biakna dangte in pasian tampi a biak tei uh hangin, a vanglian zaw deuh thum neite ensuk ni:

Babylon: Nimrod, Semiramis, Tarmuz

Izipt     -- Serapis, Isis, Horus

Sumer mite-- El-lil, Ea, Anu

Suriate    --- Hada, Atargatis, Simois

Hindute    --- Brahma, Vishnu, Shiva

Rome mite--- Jupiter, Venus, Mercury

Greek mite--- Zeus, Athena, Apollor

Xtian trinity: Tothum gawm Pasian khat

(Pa Pasian, Tapa Pasian, KST Pasian)

Tertullian trinity: Trinity cih kammal hong zangkhia masa penpen Tertulian ahi hi (AD 200 c.). Tertullian trinity updan ah, a kipat cil in Pasian khat bek om hi, tua Pasian khat bek in leitung leh na khempeuh ka piangsak ding hi ci in ngaih-sutna hong nei hi, tua a ngaihsutna pen hong pusuak khia in Thu (Logos) ahi hi. Tua hun pan kipan in tua Pasian khat pen Pa Pasian hong suak in, Pasian khat sungpan hong pusuakkhia Thu pen Tapa Pasian ahi hi ci hi. Amau nih sungpan mun khempeuh ah a om dingin Khasiang-tho hong pusuak khia hi, Khasiangtho hong suak hi, ci hi. Trinity in kipat hun nei ahih man in bei hun zong om ding hi. Tapa Pasian in a sep dingteng a zawhkhit ciangin Pasian khat bek sungah lutkik dinga, trinity cih om nawnlo ding hi ci in genkhia hi. Trinity cih kammal a zangkhia masa penpen upna pen Orthodox in upna paikhial upna hi cin mawhsak in, trinity upzia ding hong puahpha toto uh a, original upna pomthei nawnlo uh ahih man in a kipuahphaw tawm trinity upna pen Nicea council 325 AD leh Continople council 381 AD pan a upzia ding uh kipsak  tawm uh hi. Laisiangtho sungah trinity cih a omloh mah bangin, siapi khat leh khat gen kibang ngeilo hi. Sawtak Paul in ken ka upa Pa ka thei hi ci hi.

Holim khopna

Media nasepna: Hih tungtawn in nalian tampi Pasian minthanna dingin kisem thei hi:

Website tungtawn in…

Youtube ah full service upload ding

Studio/Stereo tungtawnin

Video editor tungtawn in

Video & Music producer tungtawn in

A Siampen na suak thei hi:

• Ahunzui in thugen theih kisin in.
• Kammal nin tam hel kenla, kammal siangtho tamhelzaw in
• Mi pahtawi ding ngak kei inla, mi a pahtawi siam hizaw in
• Nang nopsakna sangin midangte nopsakna ding muh siamna in picinna ahi hi
• Lawpna hoih mahmah a, na siangthona Topa in hong enzawlai hi
• Pilna thupi a, Pasian zia leh tong theihsiamna thupi zaw hi
• Thuman sangin thu hoihzaw omthei hi (Saul vs Jonathan)

Dawite upna: “Pasian khat bek om hi cih na um hi, a pha hi, Dawi gilote in zong um in, kihta in a liing uh hi” (James 2:19). Pasian khat bek kiangpanin hawlkhiatna a ngahte ahih man un Pasian bangzah pha taktak hiam cih dawite in na tel mahmah uh hi.

Thomas upna: Sawltakte sung ah a lawmte thugen a um ziauziau lo khat ahi hi. A khut leh khepawnte a muh taktak ciang bel Jesu pen ka “Topa leh ka Pasian” (Heb Yahweh-Elohim) hong cikhia hi.

John upna: “Jesi Pasian taktak ahi hi” (1Jn.5:20).

Jesu kigenna: “Keimah in amasa bel leh anunung bel ka hi hi, ka singei hi, tu in ka nungta hi. A beisa, tulaitak, mailam ah a om tawntung ka hi hi (Cf. Mang. 1:7,17-18; Isa.43:10-15; 44:8). Leitungah Paisan ci in a minvawhte un Pasian ka hi hi a kici khat beek omlo hi, Jesu pen amah leh amah (self introduce) a kigenna ah KEIMAH in a patna leh a tawpna ka hi hi, ci hi.

Vantungmite genna:

Jesu van ah a kahtoh khitciangin hih a nuai a phatna tawh na pahtawi uh hi, “A omngei, a om laitak, a hong om ding Vanglian Topa Pasian in siangtho hi, siangtho hi, siangtho hi...kote Topa   Pasian aw, nang in na khem

peuh na piangsak a, nangma deihna hangin piangin a om uh ahih ciangin, tua vangliatna, minthanna, ukzawhnate ngah dingin na kilawm hi” ci in sun leh zan in a pahtawi uh hi. (Mang.4:8-11).

Khupna: A nungta Pasian khat bek om hi cih a um mite in tua “Pasian in Jesu ahi hi” cih upna a neihkei leh vantungah a biak ding uh Pasian dang na om nawnlo ding hi.

Website:

www.zomipentecostaltv.com

By Pa Thawn Tuang